احالة شركة مرسيدس للنيابة العامة لرفضها اصلاح محرك سيارة B-200
احال جهاز حماية المستهلك شركة مرسيدس بمصر للنيابة العامة بعد فشل مفاوضات الجهاز مع الشركة لإصلاح محرك سيارة مرسيدس موديل B200 بسبب البنزين، ونشرت صفحة جهاز حماية المستهلك ملابسات الخبر على صفحته على موقع التواصل الإجتماعي فيسبوك، وإليكم ما تم نشره:
:القصة كاملة مع صورة محضر اللي قدمه الجهاز لنيابة الدقي
مع العلم انه الاعلام محدش راضي ينشر الخبر و حهاز حماية المستهلك برده مش راضي ينشر الخبر حفاظا علي سمعة مرسيدس الفاضلة بالرغم من انهم قبل كده نشروا عادي خبر احالة نيسان و فورد و اسبرانزا للنيابة لكن الواضح ان مرسيدس فوق القانون و الدولة و العملاء و مسيطرة
اولا اتضح ان البنزين في مصر مغشوش و كله شوائب و ان شركة مرسيدس بتبيع عربيات هي عارفة كويس جدا ان موتورها لا يتماشي مع البنزين المصري و مصممة تكمل في خداع الناس خاصة ان الموضوع ابتدي يزيد و كم الموتورات اللي باظت رهيب هتلاقي كل واحد يعرف واحد علي الاقل حصلتله نفس المشكلة مؤخرا و مرسيدس مكملة تبيع و تلم فلوس و احجز العربية بالست شهور و ادفع مبالغ و هما عارفين ان تكلفة الموتور من 100 الي 150 الف جنيه و الضمان تنساه لان عندهم الاختراع السحري اللي هو تحليل البنزين لانهم عارفين انه البنزين 95 لما هيتحلل هيطلع في حدود 92 اما 92 بيطلع 86…….. و بكده نغسل ايدينا من عيب العربية و نلزقها فى البنزين و مفيش ضمان و نعمل مبيعات و نغش الناس باعلي معدلات بيع في الشرق الاوسط. اما بقي لو قررت تبعت شكوي المانيا فمش هيعبروك و هيقولولك احنا لينا وكيل في مصر هو المسئول و هيرد عليك واحد من مصر بني ادم بس مدي علي رسالة مسجلة مش بيقول غير كلمة “نعمل تحليل البنزين” انا العربية كانت ماشية معايا ٨٠٠٠ كيلو بس و في الضمان .. قدمت شكوي في جهاز حماية المستهلك و مشيت في الاجراءات و عملولي لجنة فنية من دكاترة في كلية الهندسة جامعة عين شمس و بعد دراسة الشكوي و بناء عليه اصدر الجهاز قرار ملزم لشركة مرسيدس باصلاح السيارة او احالة الشركة للنيابة… مرسيدس رفضت الاصلاح ! و تم احالة الشركة للنيابة العامةبتاريخ 2 اكتوبر، رقم المحضر ٧٢/٢٠١٤ جنح الدقي و سيتم استدعاء رئيس مجلس الادارة كريم سامي سعد للتحقيق معه و تحويل ملف القضية الي المحكمة الاقتصادية لعدم تنفيذ شركة مرسيدس لقرار جهاز حماية المستهلك الملزم و مخالفة القانون . في الحقيقة شركة مرسيدس لا بيفرق معاها عملاء و لا اجهزة دولة و لا قانون و لا بيحترموا حد ولا بيحترموا نفسهم و لو لا قدر الله حصل حاجة لعربيتك هما خلاص عملوا اللعبة بتاعت تحليل البنزين لانه حتي لو بتحط البنزين 95 اللي انت ماضي عليه في الضمان هيقوللك احنا اسفين مش هنصلح لان التحليل بيقول انك حطيت بنزين به شوائب 95. علي فكرة انا رفضت احلل البنزين لانه انا اشتريت العربية قبل ما يقرروا يمضوا الناس علي موضوع البنزين لكنهم برده حللوه بدون موافقتي و طلع 91.7 !!!!!! ما تشتروش مرسيدس و قدموا شكاوي في حماية المستهلك عشان كل ما الشكاوي بتزيد الضغط المجتمعي بيزود صلاحيات حماية المستهلك في الضغط علي الشركة لسحب السيارات و الزامهم بتعويض المشترين. العربيات الجديدة كلها فيها المشكلة دي C180, CLA, B180 يا ريت تاخدوا بالكم لحد ما مرسيدس تقرر تعترف بالمشكلة و تتحمل المسئولية كاملة و تعدل الموتور زي بي ام دبليو و غيرها.
انا معايا عربيه مرسيدس c180 موديل ٢٠١٤ و حصل معايا نفس المشكله و حمايه المستهلك مردوش عليا بقالهم شهرين معملوش حاجه في الشكوي ف انا رافع قضيه في المحكمه الاقتصاديه الان و مرسيدس بقالها ٣ جلسات مبتروحش و المفروض الجلسه الجايه هيتحكم عليهم لان مشكلتي مش في الماتور بس لا في الماتور و الفرامل و كمبيوتر العربيه و مرسيدس رافضه انها تعترف بان في عيب تصنيع مع ان مهندس عندهم الي كشف علي العربيه اول مره هو الي قال لي العربيه فيها عيب تصنيع و كمان لما شوفت كتالوج السياره بيقول ان ممكن احط بنزين حتي ٩١ بس هيقلل من سحب الماتور مع العلم اخي عندو مرسيدس e200 موديل ٢٠٠٤ و مكتوب عندو نفس الي في الكتالوج ان المفروض ٩٥ بس ممكن لحد ٩١ و في ٢٠٠٤ اصلا مكانش في ٩٥ ولا ٩٢ حتي و العربيه بقالها ١٠ سنوات و محصلش حاجه في الماتور حتي الان يا ريت لو كلنا نتحد مع بعض علشان ناخد حقنا لان انا مرسيدس قالت لي اعمل الي انت عايزه الشركات الكبيره زينا مبتخسرش ولا حمايه مستهلك ولا اي حاجه بس ربنا اكبر منهم و قادر يجبلي حقي من النصابين الي عندو نفس المشكله يبعتلي و نتحد
شركة مرسيدس مش هتعمل محركات مخصوصة لمصر احنا المفضروض اللى ننضف البنزين او نبطل نستورد مرسيدس طالما مش ادها ده لو مرسيديس ذات نفسها ممنعتش عربيتها عن مصر
ياجماعه الموضوع ده لا يمكن يستمر والسوق المصرى من اكبر الأسواق استخداما لمرسيدس فى الشرق الأوسط . وشركه كبيره زى مرسيدس مش ممكن تضحى لا باسمها ولا سمعتها ولا السوق المصرى . أكيد المشكله دى هاتتحل قريبا وهايحصل تعديلات تناسب القدر اللى احنا عايشين فيه (البنزين) . بس مع ذلك لازم اللى عنده مشكله يفضل يناضل لحد مايجيب حقه
خبر مفرح لكم قررت شركة مرسيدس استيراد كمية هائلة من المواتير وحل المشكلة انا معايا نفس المشكلة وسيارتي 2014 واستغربت من الموقف قولت دي مرسيدس ازاي يحصل كدة في اكبر توكيلات في مصر لكن اول ما عرفت انهم هيركبو موتور جديد علي حسابهم فرحت جدااا
الساده ملاك المرسيدس المشكله دى مش فى كل عربيات مرسيدس المشكله دى فى العربيات اللى فى مصر بس انا عايش فى امريكا و مفيش حاجه هنا اسمها بنزين 95 اعلى بنزين هنا 92 و كل المرسيدس هنا بيمشى ببنزين 87 عاوز تحط 92 ماشى عربيتك ح يبقى ادءها احسن ورايئى ان كل ملاك المرسيدس يبعتو ايميلات بصفه مستمره لمرسيدس فى شتوتجارت و يهددوها و يفهموهم انهم اشترو عربيات مرسيدس علشان سمعتها و الشركه ملزمه بكل مسمار فى العربيه و هددوهم انكن حتبعتو العربيات ليهم المانيا علشان يصلحوها و ياحبدا لو دورترو على النت على محامى المانى يرفع قضيه ضد شركه مرسيدس انا واثق انهم حيضربو مرسيدس مصر بالجزمه و حيغصبوهم يصلحو عربياتهم الرجا عدم الياس انا من حوالى 6 سنين مريت بتجربه زى دى مع شركه فولكس و قعدت اعت لهم ايميلات و همه يبعتو لمصر و مصر تطنش و بعد 6 شهور قلت لشركه فولكس ان انا من 35 سنه و انا باركب فولكس انما دى اخر مره ح اركب فولكس و حاوصى معارفى و اصحابى و كل من اعرف ان شركه فولكس بقت زباله ساعتها بس اتصلو بالوكيل و قالو لهم صلحو العربيه دى الرجا عدم الياس
انا معايا عربيه مرسيدس c180 موديل ٢٠١٤ و حصل معايا نفس المشكله و حمايه المستهلك مردوش عليا بقالهم شهرين معملوش حاجه في الشكوي ف انا رافع قضيه في المحكمه الاقتصاديه الان و مرسيدس بقالها ٣ جلسات مبتروحش و المفروض الجلسه الجايه هيتحكم عليهم لان مشكلتي مش في الماتور بس لا في الماتور و الفرامل و كمبيوتر العربيه و مرسيدس رافضه انها تعترف بان في عيب تصنيع مع ان مهندس عندهم الي كشف علي العربيه اول مره هو الي قال لي العربيه فيها عيب تصنيع و كمان لما شوفت كتالوج السياره بيقول ان ممكن احط بنزين حتي ٩١ بس هيقلل من سحب الماتور مع العلم اخي عندو مرسيدس e200 موديل ٢٠٠٤ و مكتوب عندو نفس الي في الكتالوج ان المفروض ٩٥ بس ممكن لحد ٩١ و في ٢٠٠٤ اصلا مكانش في ٩٥ ولا ٩٢ حتي و العربيه بقالها ١٠ سنوات و محصلش حاجه في الماتور حتي الان يا ريت لو كلنا نتحد مع بعض علشان ناخد حقنا لان انا مرسيدس قالت لي اعمل الي انت عايزه الشركات الكبيره زينا مبتخسرش ولا حمايه مستهلك ولا اي حاجه بس ربنا اكبر منهم و قادر يجبلي حقي من النصابين الي عندو نفس المشكله يبعتلي و نتحد
شركة مرسيدس مش هتعمل محركات مخصوصة لمصر احنا المفضروض اللى ننضف البنزين او نبطل نستورد مرسيدس طالما مش ادها ده لو مرسيديس ذات نفسها ممنعتش عربيتها عن مصر
ياجماعه الموضوع ده لا يمكن يستمر والسوق المصرى من اكبر الأسواق استخداما لمرسيدس فى الشرق الأوسط . وشركه كبيره زى مرسيدس مش ممكن تضحى لا باسمها ولا سمعتها ولا السوق المصرى . أكيد المشكله دى هاتتحل قريبا وهايحصل تعديلات تناسب القدر اللى احنا عايشين فيه (البنزين) . بس مع ذلك لازم اللى عنده مشكله يفضل يناضل لحد مايجيب حقه
Ana cla200 w 3ndy nfs el moshkla
خبر مفرح لكم قررت شركة مرسيدس استيراد كمية هائلة من المواتير وحل المشكلة انا معايا نفس المشكلة وسيارتي 2014 واستغربت من الموقف قولت دي مرسيدس ازاي يحصل كدة في اكبر توكيلات في مصر لكن اول ما عرفت انهم هيركبو موتور جديد علي حسابهم فرحت جدااا
الساده ملاك المرسيدس المشكله دى مش فى كل عربيات مرسيدس المشكله دى فى العربيات اللى فى مصر بس انا عايش فى امريكا و مفيش حاجه هنا اسمها بنزين 95 اعلى بنزين هنا 92 و كل المرسيدس هنا بيمشى ببنزين 87 عاوز تحط 92 ماشى عربيتك ح يبقى ادءها احسن ورايئى ان كل ملاك المرسيدس يبعتو ايميلات بصفه مستمره لمرسيدس فى شتوتجارت و يهددوها و يفهموهم انهم اشترو عربيات مرسيدس علشان سمعتها و الشركه ملزمه بكل مسمار فى العربيه و هددوهم انكن حتبعتو العربيات ليهم المانيا علشان يصلحوها و ياحبدا لو دورترو على النت على محامى المانى يرفع قضيه ضد شركه مرسيدس انا واثق انهم حيضربو مرسيدس مصر بالجزمه و حيغصبوهم يصلحو عربياتهم الرجا عدم الياس انا من حوالى 6 سنين مريت بتجربه زى دى مع شركه فولكس و قعدت اعت لهم ايميلات و همه يبعتو لمصر و مصر تطنش و بعد 6 شهور قلت لشركه فولكس ان انا من 35 سنه و انا باركب فولكس انما دى اخر مره ح اركب فولكس و حاوصى معارفى و اصحابى و كل من اعرف ان شركه فولكس بقت زباله ساعتها بس اتصلو بالوكيل و قالو لهم صلحو العربيه دى الرجا عدم الياس