بعد مشاركة رامي سري في بطولة العالم للدريفت 2014، حكى رامي سري على صفحتة في الفيس بوك عن تجربتة في السباق الذي شارك فيه بالأمس:
فقال رامي سري:
مش عارف ابتدي منين ولا منين… إحنا أثبتنا إن مصر من أقوى مدارس الدريفت في العالم… بدون خبره في الدريفت الزوجي، قدرنا نتأهل في التوب 16، بدون خبره في السرعات العاليه قدرنا تكسب و ندخل توب 8، بدون خبره في النوعيات دي من العربيات قدرنا تكسب و ندخل التوب 4، و بدون خبره دخلنا ننافس على اللقب… من كتر ما فاجئنا الجميع، مكانش في حل تاني من استبعدنا غير بضربه تحت الحزام… و انا بنافس على توب 2، اللي قدامي وقف عربيتو فجأه و أجبرني أخبطه و كسرت بارة الدريكسيون و خرجني حتى من التنافس على المركز التالت عشان ملحقناش نصلحها… يا مصريين، إحنا هزيينا لاس فيجاس! المنظميين، و المتسابقيين، و الجمهور، جميعاً اجمعو على إن اللي شافوه النهار ده، متشافش قبل كده! مفيش حد بييجي بخبره او بدون، بييجي ينافس بالمنظر ده… انا فخور إني منكم… فخور إن مهراتي و أسلوبي في السواقه طالع من مصر… إحنا هنكسب بطولة العالم يا مصريين بإذن الله… عشان اللي حصل النهارده خلى فريق من ولايه تانيه يكلمونا عشان نروح نسوقلهم عربيتهم في سباق في شهر 10 من غير ما ندفع ولا مليم… إتبسطو يا مصريين، إحنا أثبتنا نفسنا النهار ده…
الف مبروك للبطل رامي سري على المشاركة المشرفة والموفقة في بطولة العالم للدريفت ولعل مثل هذه المشاركات الفردية من السائقين المصريين تلفت نظر الحكومة للأهتمام قليلاً برياضات السيارات وإنشاء حلبات خاصة لها على الأقل لتفادي سباقات الشوارع التي تقام ليلاً.
