الكومونريل (commonrail) دا تقريباً أحدث نظام من أنظمة حقن وقود الديزل و اللي رجع فيه المصمم تاني انه ييخلي مواسير الضغط العالي للوقود خارج المحرك نفسه بس بقى بيستخدم الكمبيوتر و الحساسات بتاعة المحرك عشان يتحكم في ضغط و كمية و زمن الحقن.
و دا كله بما يضمن اعلى كفائه للمحرك مع اقل استهلاك للوقود واقل انبعاثات للعادم.
ودا بيكون فيه طلمبة ضغط الوقود غالبا ملهاش علاقه بتقسيمة المحرك و مهمتها انها تضعط السولار بقيمة عالية قوي لمسطرة الحقن اللي بيطلع منها مواسير بعدد سلندرات المحرك كل ماسوره مسؤلة عن توصيل السولار المضغوط دا لرشاش متوصل بيها.
و اللي بيتحكم في الضعط داخل الماسوره دي حساس بيبعت دايما اشاره للكمبيوتر بالضغط داخل الماسوره و بلف راجع بيفتح عند ضغط معين لحماية الدايره من الظغوط المرتفعه اما بقى الرشاش فالي بيتحكم في فتحه و قفله سولونويد بياخد اشارته من كمبيوتر المحرك.
